نظام إدارة المبيعات والمخازن · فريق الدعم بيرد يوميًا من ٩ ص لـ٩ م (بتوقيت القاهرة · من ١٠ ص لـ١٠ م بتوقيت الرياض في الشتا)
أسرع طريقة هي الواتساب — بنرد عادةً خلال ساعات العمل في أقل من ساعة. من خارج مصر كلّمنا على الرقم الدولي زي ما هو مكتوب.
واتساب: +20 104 453 3232
البريد الإلكتروني: kolshy2025@gmail.com
لو المشكلة في حساب معيّن، ابعتلنا اسم المحل والبريد اللي بتسجّل بيه — ده بيخلّينا نوصل للمشكلة من غير أسئلة كتير.
نسيت كلمة المرور، أعمل إيه؟
صاحب الحساب يقدر يغيّر كلمة مرور أي موظف من شاشة «المستخدمين والصلاحيات».
ولو إنت صاحب الحساب نفسه، كلّمنا على الواتساب وهنظبّطها معاك.
التطبيق مش بيفتح أو بيقول «تعذّر الاتصال».
اتأكد إن النت شغّال وجرّب تقفل التطبيق وتفتحه. التطبيق بيشتغل أوفلاين كمان —
الفواتير اللي تتعمل والنت مقطوع بتتخزّن على الجهاز وبترفع لوحدها أول ما الشبكة ترجع،
فماتعملش إلغاء للبيانات ولا تمسح التطبيق قبل ما ترفع.
الطابعة مش بتطبع.
التطبيق بيطبع على الطابعات الحرارية عن طريق البلوتوث. اتأكد إن البلوتوث مفتوح
وإن الطابعة متقرّنة مع الجهاز من إعدادات الموبايل الأول، وبعدين اختارها من
إعدادات الطباعة جوّه التطبيق.
موظف بيشوف شاشات مش المفروض يشوفها.
الصلاحيات بتتظبط لكل دور من شاشة «المستخدمين والصلاحيات». أي تعديل بيسري
على الموظف أول ما يقفل التطبيق ويفتحه.
أنا في السعودية — الفاتورة الضريبية ورمز QR شغّالين؟
أيوه. اختار السعودية وقت تسجيل الحساب، فالعملة تبقى الريال
والضريبة ١٥٪ من أول يوم، والتواريخ بتوقيت الرياض.
بعدين اكتب الرقم الضريبي في «إعدادات الشركة» (١٥ خانة، بيبدأ
بـ٣ وبيخلص بـ٣) — ومن غيره الفاتورة الضريبية المبسطة ورمز QR بتاع هيئة الزكاة
مش هيطبعوا، والشاشة بتنبّهك لو الرقم ناقص أو شكله مش مظبوط.
اللي عندنا دلوقتي هو المرحلة الأولى من
متطلبات الهيئة (إصدار الفاتورة ورمز QR). لو وصلك إشعار من الهيئة بموعد
الربط (المرحلة الثانية)، كلّمنا قبل ما تشترك.
عايز أحذف حسابي وبياناتي.
من صفحة طلب حذف الحساب —
بننفّذ الطلب خلال ٣٠ يوم.
بيانات شغلك ملكك إنت. التفاصيل الكاملة في سياسة الخصوصية.